السلام عليكم ورحمة الله
انا مدخن من اكثر من 4 سنوات من حوالى 6 اشهر ظهر الم فى منتصف الصدر وضربات قلب سريعه وضيق تنفس شديد وكان التشخيص فى الطوارئ ارتجاع مرئ .
واتكرارت اكتر من مره لدرجة انها بتخلى اعصابى سايبه وشبه اغماء وخصوصا فى الاماكن المقفوله
ونهجان مع المجهود البسيط والكلام
روحت لاكتر من طبيب قلب وعملت رسم قلب ورسم قلب مجهود وموجات صوتيه على القلب وكانت سليمة الحمد لله وكان التشخيص ارتجاع مرئ مزمن وخدت اكتر من علاج لمدة شهر ومفيش نتيجه .
وطبيب باطنه عملت صورة دم كامله ووظائف كلى وكبد وتحليل بول وبراز وجرثومة المعدة وكانت سليمة الحمد لله . والتشخيص كان ارتجاع مرئ والتهاب فى القولون .
وطبيب امراض صدرية وعملت اشاعه على الصدر كانت سليمة الحمد لله ووظائف تنفس ظهر فيها ضيق فى الشعبيات الدقيقه بسيط بس التشخيص كان ان الضيق ميسببش ضيق تنفس قوى وخدت اكتر علاج وبخاخه ومفيش تحسن بحس بفرق بسيط مع البخاخه لاكن نهجان مع المجهود وغازات فى البطن وكثرة التجشئ
سؤالى هل ضيق الشعب او الشعبيات يسبب هذه الحاله ؟ ضيق الشعب مزمن ولا ممكن يرجع زى الاول ؟ او الحاله من القولون او نفسي ؟
اسف على الاطاله

انا خففت التدخين فعلا بالتدريج حتى اوقفته وكانت الحاله زى ما هى .
بالنسبه لضيق الشعبيات ده ممكن يظهر فى نتيجة وظائف التنفس كامر طبيعي لانى مدخن ولا ده مرض مزمن انا خدتله علاج لمدة اسبوع بخاخه للربو والحساسيه وبرشام مونتكال 10 تحسن بسيط جدا فى النفس لاكن النهجان زى ما هو ؟

انا اخذت بخاخه سريتايد مره فى اليوم لمدة اسبوع مع مونتكال 10 لا اعلم البخاخ مضاد حيوى او لا ؟
بس بعد اذنك تشخيص الطبيب لم يكن التهاب بالشعب بل ضيق فى الشعب الهوائيه الصغيره ظهر فى وظائف الرئه ( 25-75) ظهرت بنسبة 60 وبعد البخار موسع للشعب ظهر تغير او تحسن بنسبة 98% ارجو التوضيح هل هذا ضيق الشعب المزمن او هذا قابل للعلاج وهل لابد ان اعيد فحص وظائف التنفس ؟
لا اعرف كيف ارفع تقرير وظائف التنفس