السلام عليكم ورحمة الله وبركاته انا عمري 25 سنة... منذ خمسة ايام شعرت بدوخة شديدة جدا استمرت لثواني ثم انتهت بعد ذلك اكتشفت انها تأتي عندما ارفع راسي لاعلى او انزلتها لاسفل وايضا اثناء التقلب من جنب الى اخر اثناء النوم... بحثت على النت اكتشفت انه الدور الموضعي الحميد وقمت بعمل مناورة سيمونت بعد هذه التمارين اختفت الدوخة الشديدة تماما وحتى عندما احرك لاعلى او لاسفل لا تاني ولكن للاسف اصبح عندي دوخة خفيفة لكنها مستمرة احيانا اشعر بغثيان واحيانا صداع خفيف.... قمت بشراء بيتاسيرك 16 اخذت منه اول يوم وتحسنت قليلا ولكن للاسف في اليوم الثاني لم اشعر بتحسن والدوخة مستمرة وتشتد عندما انظر الى التلفاز.... ارجو افادتي بتشخيص مرضي ولو ممكن اخد علاج ايه... اسف للاطالة تحياتي

السلام عليكم ورحمة الله وبركاته
لهذه الدوخة ثلاثة احتمالات اما جيوب انفية او التهاب بالاذن او مشكلة بالنظر.
ولذلك ننصحك بالبداية فحص الاذن والانف عند طبيب انف واذن وحنجرة وبعدها ان لم تتضح المشكلة ننصحك بفحص النظر واخبرنا بالنتيجة.

انا روحت لدكتور انف واذن وقالي ان عندي التهاب في الاذن الداخلية وكتبلي على ( بيتاسيرك 16 و جينكوبلس و ريمواكس نقط للاذن) وباخد العلاج داخل في الاسبوع اهو ومفيش نتيجة او بمعنى اصح حاجة بسيطة يوم اكون كويس ويوم اكون تعبان ومش عارف اعمل ايه ارجو الافادة.... انا بفكر اعمل تحليل انميا بس انا اكلي كويس

هل فحصت الانف؟
هل قمت بعمل فحص للنظر؟

الدكتور كشف على الانف وبالنسبة لموضوع النظر انا مستبعده لاني بشوف كويس جدا من قريب ومن بعيد وساعات بفضل يوم كامل من غير دوخة وكمان لما بنام على ظهري لفترة الدوخة بتخف خالص وممكن تروح ولما بغمض عيني بنفضل الدوخة مستمرة ارجو الافادة

اذا انهي الدواء واخبرينا بالنتيجة

انا روحت للدكتور تاني امبارح صمم انها التهاب في الاذن الداخلية بس النهاردة الدوخة الشديدة رجعت تاني لما بتقلب على جنبي وانا نايم مش عارف اعمل التمارين تاني ولا اعمل ايه ارجو الرد بسرعة للاهمية

لا نستطيع الحكم قبل انهاء الادوية بشكل كامل

طيب بالنسبة للدوخة الشديدة اللي بتيجي لما اتقلب على جنبي او ارفع راسي لاعلى اعمل فيها ليه

هي بالاغلب التهاب بالجيوب فانهي الدواء واخبرنا بالنتيجة

انا روحت للدكتور تاني وقالي اوقف العلاج القديم وكتبلي على {تريفاستال ريتاد 50} باخده بقالي كام يوم والحمد لله حاسس بتحسن وفرق كبير... يبقى كدة التهاب في الاذن الداخلية زي ما قال؟؟؟؟

نعم هذا احد الاحتمالات كما اخبرناك في بداية الاستشارة فانهي الدواء واخبرنا بالنتيجة

حضرتك كدة انا خلصت شريط من تريفاستال 50 والحمد لله فيه تحسن نسبي السؤال بقى هل فيه حد اقصى لايام العلاج بالبرشام ده ولا عادي افضل اخده لحد ما اخف خالص ولا كدة هايكون فيه اضرار جانبية؟؟؟؟

لا طبعا يجب تكرار الدواء فقط بعد استشارة طبيبك الذي اشرف على حالتك ولا تاخذ الدواء على عاتقك الشخصي.

السلام عليكم انا روحت لاكتر من دكتور تاني وكله قالي ان معنديش حاجة وللاسف الدوخة مستمرة معايا واللي محيرني ومخليني مستغرب ان ممكن يوم كامل اكون كويس ويوم تاني لاء ... فبدأت احاول اعرف انا سبب اللي انا فيه شكيت في النظر طلع كويس بعد كدة شكيت في وضعية نومي لان كان عندي الم خفيف في رقبتي وبدأت انام على جنبي طول الليل واحاول اريح رقبتي ودي اكتر حاجة جابت معايا نتيجة. السؤال بقى هل ممكن وضعية النوم او الم الرقبة يسبب دوخة؟؟ مع العلم اني بحس بصداع خفيف لما الدوخة بتيجي ولما باخد قرص كتافلام بتروح بعد ساعة... اسف للاطالة وارجوا الافادة. تحياتي

اولا لا تلجأ للكتافلام كحل لانه على المدى الطويل يؤذي الكلى.
قد يكون لوضعية النوم دور لكن ننصحك بزيارة طبيب اعصاب لعمل صورة للدماغ.

معلش يا دكتور ارجو الافادة انا تعبت من الذهاب للدكاترة بدون اي فايدة ياريت حضرتك تقولي معنى ان الدوخة تروح لما اخد كتافلام مع العلم ان الصداع اللي بيجيني خفيف ... شكرا

يجب فحص الاذن والجيوب الانفية من قبل مختص للتاكد من سلامتها