والدي يعاني من ضعف فى عضلة القلب
|
بسم الله الرحمن الرحيم وبه سبحانه وتعالى نحمده ونستعين ...
والصلاة والسلام على اشرف خلق الله سيدنا ومولانا وشفيعنا
وحبيبنا الصادق الامين ( محمد ) صلى الله عليه وسلم
~~~~~~~~~~~~~~
تحية طيبة لجميع الاطباء الكرام .... اما بعد
الاطباء الكرام انا والدى بيعانى من ضعف فى عضلة القلب
او تليف فى عضلة القلب ومش عارف ايه العلاج اللازم له
انا من ام الدنيا مصر من محافظة سوهاج الاطباء عندنا
افقدونا الامل ولا يوجد منهم نفع او جدوى بحثت فى النت
ووجدت المنتدى الجميل والرائع الخاص بلاطباء والذين
ان شاء الله وبأذن الله وحده هجد عندكم العلاج او الحل بعون الله
انا فكرت اسار بيه الى مستشفى الدكتور مجدى يعقوب فى اسوان
بس قولت اشوف الاطباء هنا الاول علشان سفرى الى اسوان
متعب والحجز او الكشف بياخد وقت وزمن عند الدكتور مجدى يعقوب
ارجو من المختصين وضع علاج يكون شافى وعافى الى صحة
والدى بسبب ضعف هذه العضلة والدى بيتنفس ببطئ
ولو مشى شوية بيتعب ومش يبقدر يكمل المشى
تم اجراء عملية قسطرة له وللاسف لم تأتى بنفع بلعكس
تعبته اكثر من الاول قبل العملية كان بيمشى وبيذهب الى العمل
وكان نشيط جدآ ولكن من بعد هذه العملية والصحة تأخرت كثيرآ
والدى يبلغ من العمر 61 عامأ وانا ابنه الاكبر اريد منكم الحل
الاطباء طلبو مننا حقنة اسمها برازنتين لم اجدها الا فى محافظة
اسمها اسكندرية ولما اعطوه هذه الحقن وكان عددهم 6 امبولات
تم عمل اشاعه له ومنها ظهرت عضلة القلب التالفة وقالو لنا
لا يوجد امل ولا علاج ولاكن املنا فى الله كبير
( وجعلنا لكل داء دواء ) ارجوكم اعطونى الحل او العلاج
وشاكر جدآ مجهودكم الجبار اطباء الخير والمحبة
اسف على الاطاله علشان اظهر لكم ما حدث
وتفضلو بقبول فائق الاحترام ...
اخوكم او ابنكم فى الله .~ محمد جلال
فى امان الله ورعايتة .... منتظر من حضراتكم الرد
 ـــــــــــــــــــــــــ ـــــــــــــــــــــــــ
|
آخر تعديل محمد جلال يوم 02-12-2014 في 04:50 AM.
|
02-12-2014, 04:48 AM
العرض الشجري
