لسلام عليكم ورحمة الله وبركاته
اخواتي الاعزاء
انا بكتب الرسالة دي لاني مخنوقة جدا وكتر التفكير هيقتلني
انا متزوجة منذ عامين ونصف تقريبا زواجي كان عن حب اول ماخطبت بدات الاحظ حاجات مكنتش بفكر فيها زي كان ضايف ع الفيس بنات وكان دايما يعلقوا عليه وهو يعلق عليهم لدرجة اني حسيت انهم ع ايميله الخاص كمان وده طلع صح
شكيت فيه وبدات خلافاتي معاه بسبب البنات بس لاني كنت احبه اكثر منه كان دايما يهددني انه هيسيبني ويثور عليا ويتنرفز وفي يوم عملت ايميل ع الفيس وايميل تاني ياهو وطلبت منه اضافة بس ع اسم تاني خالص وقبل الاضافة وفي الليحظة اللي كان لبيكلمني فيها ع اني بنت ع النت وخلاص كان بيكلمني انا ع ايميله الخاص يتخانق معايا انا ويضحك مع البنت التانية طبعا قصدي اللي ع الايميل المزور حتي ع الفيس نفس الكلامبس كان بيعرف اللي بيكلمهم انه خاطب وهيتجوز اول مااتجوزت ودخل الفيس قدامي استغليت لحظة قام فيه من ع الكمبيوتر وقريت اتلرسايل اللي بينه وبين البنات وكذلك ع الياهو واتحرق دمي وبقيت قايدة نار وازعلت وهو عشان يرضيني عرفني باسورداته وفضل يمسح في البنات ومع اني كنت طلبت منه ده ايام الخطوبة ورفض لانه شايف اني هحرجة الا انه بعد جوازنا مسح كل البنات ووعدني انه ميضفش اي بنت
بس للاسف بعد ماراح شغل جديد اضطر يضيف بنات ع ايميله للشغل وخصوصا انه يعمل في مجال الكمبيوتر بس هو يحلفلي ان اللي بينه وبينهم شغل وانا من جوايا مبصدقش يعني مثلا من فترة كان بيتعامل مع زميلة ليه باسلوب وغير طريقة تعامله معاها لما قدمت ليه مساعدة صغيرة ودلوقتي انا بغير عليه من اي بنت هوبياخد كورس بره وطبعا انا مش عارفة هو فعلا مبيتكلمش مع البنات زي مابيقولي ولا لا
انا علي طول متخبطة في قراراتي ومترددة دايما وللاسف بحس اني مش واثقة في نفسي والاحساس ده وصل لزوجي اللي بحس انه بيستغل حبي ليه جدا لدرجة اني بخاف يزعل فيسيب البيت حتي لو هو اللي غلطان بببقي انا اللي وحشة وغلطانة
انا شاكة فيه شك كبير انا مخنوقة جدا جداارجوكم قالولي اعمل ايه