السلام عليكم ورحمة الله وبركاته. جزاكم الله خير على هذا الموقع الجميل انا لدي مشكلة اعاني منها من زمان وهي كالتالي : تجيني حاله احس جسمي ييسخن وبعدها احس بضيق وماقدر أخذ نفس كامل ودقات قلبي تصير سريعه جداً واحس حالي ابموت وبخوف، وارش على جسمي ووجهي واشرب مويه بارده عشان تخف عني لكنها ترجع على طول وإذا ترعت ( تكرعت) ارتاح شوي لكن ماتطول وترجع لي الحاله وتستمر معي دقايق وأحياناً تطول شوي لساعه أو أكثر شوي وبعدها أبرد وأرجف من البرد. عملت تخطيط قلب أكثر من مره وكله سليم الحمدلله ورحت لدكتور قبل فتره ووصف لي ثلاث أدوية لا أذكر أسمائها لكن اتوقع اثنين منها للمعدة عشان الانتفاخ والحرقان ومن ضمنها دواء ليبراكس قبل النوم وقبل كم يوم عملت تحليل شامل للغده ولانزيمات القلب ووظائف الكلى والكبد وقوة الدم والحمدلله كلها سليمة بس في وحده مرتفعه شوي بدال ماتكون 6 - 6 كانت 8 - 6 والدكتور قال عاديه لأن باقي تحاليل الغدة طبيعية وقال انه متوقع إنها راح ترجع طبيعي وقالي تعال بعد شهر وإذا ماتغير التحليل وبقت مرتفعه وكوقتها لكل حادث حديث وأكد لي أن كل شيء سليم. وبصراحه تعبت نفسيا منها ودايم افكر فيها. اول كنت افكر ان الحاله هذي بسبب القولون عصبي لأن زمان كانت معي جرثومة معده لكن حللت قبل فترة ومو موجودة الجرثومه. وبصراحه تعبت نفسيا ومادري هل اللي معي قولون عصبي أو نوبة هلع!!!! - انا مقعد وعندي إمساك مزمن والتهاب مسالك بوليه بسبب استخدام القسطره البوليه. ملاحظة / أنا ادخن واحب اشرب شاي كثير. أرجو منكم افادتي عن حالتي ماهي بالضبط؟ وهل هي خطيرة؟ وايش أفضل علاج مناسب لي اقدر استخدمها ومايكون له مضاعفات؟