بسم الله الرحمن الرحيم بعد التحية و السلام : أشكرك دكتور كامل على ردك بالنسبة لأسئلتك : عملنا فحص اذن وسطى وعملنا تخطيط سمع دماغي والحمد لله طلعت النتيجة منيحة وما عنده مشكلة في السمع. بالنسبة للغدة الدرقية الغلط من المستشفى ومن المركز الصحي نحنا ما كنا بنعرف عن هالفحص وهما ما جابو سيرة وبالصدفة ولدت ابني الثاني بمستشفى ثاني وطلبو فحص الغدة وعملناه وطلع عنده نقص وشكينا انو ممكن اخوه الاول يكون عنده من خلال اعراضها وفعلا طلع عنده نقص فيها. على كل حال اكتشفناها لما كان عمره سنتين و 3 شهور و 10 ايام بالضبط ومن وقتها وهو بيوخذ دوا هرمون الثيروكسين يعني تقريبا صارله 3 شهور وتغيرت الجرعة اكثر من مرة خلال هالفترة. بالنسبة للوقعة هو ابني البكر وانا ما كان عندي أي معلومة عن انها ممكن تأثر بس اني شفت انو ما نزف دم حكيت انو ما فيه اشي وهو نام بعد ما وقع بـ 10 دقائق – 15 دقيقة وضل نايم للصبح ما صحي ولا مرة في الليل هل هيك يعني انو مغيب انا بعرف انو اللي بيغيب عنفس الوقعة يعني في لحظة الاصابة ومن جديد سمعت من بعض الناس انو مو منيح الطفل ينام بعد ما يوقع لو سمحت ممكن تشرحلي هالموضوع لأني خايفة أعتذر على الاطالة جزاك الله خيرا وجعله في ميزان حسناتك والسلام عليكم