عيادات العرب الطبية - موقع استشارات طبية مجانية

- عيادة الكلى والمسالك البولية (http://eyadatarab.com/forumdisplay.php?f=20)

- - أعاني من مشكلة في البول (http://eyadatarab.com/showthread.php?t=1071)

أعاني من مشكلة في البول

انا انسه سنى 23 سنة كنت فى فترة مصابة بوسواس فى الطهارة وكنت باحبس البول لفترات طويلة ممكن كانت توصل 24 ساعة انا تخلصت من كده بس المشكلة انى من فترة بدات احس انى لو اتاخرت شويه عن دخول الحمام كان بيخرج منى قطرة بول من وقت للتانى بس ما لاحظتش ولا مرة حاجة فى هدومى بس الاحساس ده معايا على طول واخدت اليوريبان والفترة تانية اميبرامين لاحظت انى معاهم باتحسن لحد كبير بس لما باوقفهم بارجع تانى زى ما كنت وكمان انا كنت فى فترة الوسواس اصيبت بالتهاب فى الاعصاب وتنميل فى الاطراف واخدت حبوب فيتامين ب واتحسنت عليها بس دلوقتى فى اثار بسيطة مع المجهود المشكله انى مش عارفة اعمل ايه هل ده اثار الفترة اللى كنت باحبس فيها البول ولا هل التهاب الاعصاب له علاقة بالموضوع ده انا نفسى فى حل للموضوع ده ياريت حد يساعدنى باى حل لانى حاسة دايما انى مش طبيعية ومش عارفة هل ممكن ارجع طبيعية تانى ونفسى اوصل لعلاج ومحرجة اكشف ياااااااريت حد يساعدنى

موضوعك بسيط جدا اختي وهو (الوسواس القهري) يعني موضوعك نفسي فقط والمشكلة ان موضوع البول هذا يتحسس منه الكثير من الناس وخصوصا عند اوقات الصلاة مع ان ديننا يسر وبما ان الانسان لا يرى اثار بول في ملابسه فلا يوجد اي مشكلة اطلاقا.
المطلوب منكِ الان ان تدخلي الحمام عندما تشعرين بحاجة لدخوله وعند تكون كمية بول مناسبة (ليست قليلة وليست كثيرة لدرجة عمل ضغط على الجسم) يعني عند الشعور بالحاجة الفعلية للتبول، وان تعلمي ان الوساوس هذه يجب ان تتخلصي منها في اقرب وقت لانه كلما تاخرتي فيها كلما زادت المشكلة النفسية عندك واصبحت اكثر تعقيدا، توكلي على الله وعودي جسمك ان تدخلي الى الحمام في الوقت المناسب دون تبكير ولا تأخير.
التهاب الاعصاب ليس له علاقة بحصر البول لكن تاخير حصر البول قد يسبب اذى في الامعاء والبطن.
شافاكي الله وعافاكي.

طب اسفة للاطالة بس استفسار كمان يعنى هل كل اللى انا باحسه ده وسواس وانا مش محتاجة اكشف ولا اخد علاج لانى لما باخد الاميبرامين بيساعدنى اتاخر من غير ما يجيلى الاحساس ده يعنى انا لو مسافرة فى مكان وحاقعد فترة طويلة بره البيت لازم اخد حباية قبلها لان الاحساس ده بيزيد معايا قوى لما باخرج من البيت لدرجة انى لما بارجع لازم اغسل هدومى كلهافهل انا مش محتاجة كشف وكل مشلتى وسواس بس ودى مش مرض سلس بول اسفة بس الموضوع ده مسببلى مشكلة فى حياتى وفى صلاتى لدرجة انى مش بوافق على اى عريس يتقدملى لانى حاسة انى ما ينفعش اتجوز ومش عارفة اعيش حياتى طبيعية ومحتارة جدا ولكم جزيل الشكر

اختي الكريمة سلس البول وصفه غير الوصف الذي وصفتيه، انتي تقولي انك لا تجدين شيء من البول على ملابسك، وسلس البول هو خروج البول بدون تحكم من الانسان، فهل يحصل معك ان يخرج البول بدون ارادتك؟

كل اللى بيحصلى انى لما باشعر برغبة فى التبول ولو اتاخرت لاى ظروف عن الدخول اشعر من وقت للاخر كان فى نقطة بول خرجت منى بس انا ممكن بامسك نفسى فترة طويلة لكن بيجيلى اثناءها الاحساس ده من وقت للتانى

يعني هو مجرد احساس وما بخرج شيء من البول على الملابس، اذن فلا لزوم للدواء الذي تأخذينه لأن الدواء دوره نفسي فقط وهو انه يوهمك انكي قادرة على السيطرة على نفسكِ فقط، جربي وتوقفي عن الدواء كي تتأكدي أنه لن يتغير عليكي شيء وأن الأمر نفسي فقط وازيلي هذه الاوهام من رأسك وسيطري على عملية التبول بدون أدوية فالادوية لها تأثير مضر على المدى الطويل.

شكرا جزيلا وجزاكم الله خيرا

أهلا وسهلا اختي الكريمة