المساعد الشخصي الرقمي

مشاهدة النسخة كاملة : دوار اثناء الاستلقاء للنوم


محمودحسين2015
01-22-2015, 08:52 PM
السلام عليكم ورحمه الله وبركاته
اشكر اولا القائمين على المنتدى وادعى الله ان يجعله فى ميزان حسناتكم ان شاء الله
28 سنه الطول 170 والوزن 68 كج
من فتره 6 شهور جالى دوار فى نهايه اليوم بمعنى اول ما بحط راسى على الوساده بحس بدوار لمده ثوانى 5 او 6 ثوانى بالكتير ونفس الوضع وانا بقوم من النوم
رحت لدكتور قال ده التهاب فى الاذن وكتبلى بيتاسيرك واوكسيبرال مرتين صبح وليل والحمد لله راح الدوار بعد يومين
ونسيت الموضوع الى ان حصل مره اخرى من اسبوع بس اشد شويه ذهبت لدكتور اخر كشف على ودانى وعملى زى احتبار نظر وطلع كله تمام قالى ان ده نتيجه ان فيه كريستلات فى الاذن الداخليه بتتحرك من مكانها نتيجه صدمه فى الراس او لوحدها وموضوع كبير كده وخوفنى جامد وكتبلى على حاجتين منهم رسم اتزان المهم خوفنى جامد معملتهمش الصراحه وكتبلى برضه بيتا سيرك ودرامينكس
الموضوع تانى مره قعد حوالى اسبوع هو دلوقت الحمد لله راح
علما بان/ المرتين الضغط مظبوط جدا وباكل كويس والنشاط عادى جدا ولا يوجد تنميل فى الايدى او طنين او اى حاجه بمعنى ببقا زى القرد طول اليوم :3: اجى احط راسى احس بدوار او لما ببص لفوق كمان بحس بدوار
من العادات بتاعتى (جايز يبقا يها علاقه )/بقعد ادام الكمبيوتر كتير لان شغلى مرتبط بيه وبنام من غير مخده او بمخده رفيعه كمان المرتين كان عدى البرد العادى اللى هو رشح وعطس كده يعنى
انا اسف طولت عليكم لكن عشان ابقا حاطط كل التفاصيل انا عاوز بس اعرف الموضوع ده انا مش عوزه باذن الله يجى تانى لان بيعملى اكتئاب فا اعمل ايه او اخد علاج ايه
بارك الله فيكم

عيادات العرب الطبية
01-22-2015, 09:39 PM
السلام عليكم ورحمة الله وبركاته
موضوعك بسيط اخي محمود ولا داعي للقلق، وما تتعرض له هو التهاب في الاذن الوسطى ويتم علاجه بادوية متعددة منها الادوية التي تم صرفها لك، وهي ادوية ممتازة لحالتك، ومن الطبيعي ان يتكرر حصول هذا الالتهاب في اثناء البرد وخصوصا اننا في اكثر شهور السنة بردا، وقد تتعرض لهذا الامر ايضا اذا جلست امام مكيف في الصيف وتعرضت له لفترة طويلة.
وخلاصة الكلام انه اذا تعرضت لهذه الاعراض مرة اخرى خذ نفس الادوية التي تم وصفها لك فان زال الدوار فالسبب واضح وهو الالتهاب وان لم يزل فننصحك بزيارة طبيب انف واذن وحنجرة كي يكتب لك صورة اشعة تعملها لاذنك كي يتضح اذا كان هناك سبب اخر غير الالتهاب.
كما ننصحك باستخدام وشاح من الصوف في الشتاء تقوم بتغطية اذناك وانفك وفمك به اثناء خروجك في البرد.
شافاك الله وعافاك.

محمودحسين2015
01-22-2015, 09:56 PM
وعليكم السلام ورحمه الله
بارك الله فيك يادكتور وجزاك خيرا عنا ان شاء الله
سؤال اخير لحضرتك هل اخد العلاجات دى لفتره معينه كمان
شكرا لك مرة اخرى :)

عيادات العرب الطبية
01-22-2015, 10:12 PM
نعم عليك اخذ كورس الدواء كامل في كل مرة تعود الاعراض لك فيها، يعني عليك انهاء علبة الدواء كاملة، والامر طبيعي اذا حصل معك مرة او مرتان في السنة، ولكن ان تكرر حصول الالتهاب لك لعدة مرات في السنة كان تصاب به مثلا خمسة مرات او اكثر في السنة فالامر هنا يحتاج لصور اشعة كما قلت لك لتحديد السبب الفعلي، والمتابعة مع اخصائي انف واذن وحنجرة.

محمودحسين2015
01-22-2015, 11:02 PM
بارك الله فيك يادكتور وجعله فى ميزان حسناتك

عيادات العرب الطبية
01-23-2015, 08:58 PM
أهلا وسهلا بك أخي محمود