المساعد الشخصي الرقمي

مشاهدة النسخة كاملة : مشكلة في الهرمونات وزيادة في الوزن


أريج
05-13-2014, 02:59 AM
السلام عليكم ورحمة الله وبركاته
انا تجربتى طويله شويه فاولا انا بشكر مجهودكم فى المنتدى وربنا يجعله فى ميزان حسناتكم
اولا أنا والده قيصرى من سنه وعشر شهور وحملت بعد تمن شهور من زواجى بس حصل اجهاض وكان هذا الحمل بعد اخذ منشط الكلوميد وبعد هذا الاجهاض جتنى العاده الشهريه ثم حدث الحمل فى الشهر العاشر من زواجى
انا بعد ما ولدت ولانى لم اكن ارضع طبيعى فكنت ااخذ حبوب جينيرا وكنت اعانى من زياده كبيره فى الوزن حيث ان طولى 167 وبلغ وزنى فى الحمل 107 اخذتها حوالى 9 شهور حيث انها تسببت فى قله ايام دورتى بشكل مبالغ فيه فايام دورتى الشهريه 7 ايام فكانوا يصلوا الى يومين او تلاته ولما سألت الدكتور قالى لازم توقفيه لانه ممكن يعمل ضعف للمبايض واركب شريط
وده اللى حصل وقفته وركبت شريط وبدأت لغبطه الدوره فبدأت الدوره اول شهر جت مظبوطه 28 يوم وتانى شهر اتأخرت جامد وبدأت ايامها تزيد بدل 7 ايام بقوا 15 يوم وكانت بتنزل فى الاول نقط بسيطه يومين تلاته وبعدين شديده 9 ايام وتقل يومين اوتلاته وما يفوتش اسبوعين وتيجى بنفس الطريقه بس انا فى الوقت ده عملت ريجيم ونزلت من 101 اللى كان وزنى ساعتها لحد 85 ك ومانزلتهمش مره واحده كان على 3 الى اربع شهور وثبت وزنى على كده ولما تعبت من الشريط شيلته بعد ما كنت ركبته 6 شهور وفضلت الدوره متلغبطه وبتتأخر بتعدى 36 يوم وانا شيلته كان شهر 9 2013 ورحت لدكتوره شهر 11 لان كانت الدوره بتيجى بألم شديد فى صدرى وكنت بحس كأنه متحجر فبعد الفحص طلبت منى تحاليل
كانت كلها كويسه ماعدا fsh كان 4.80
وlh كان 4.57
وقالتلى ان هرمون الحليب عندى عالى واديتنى علاج دوستينكس وبعدين اديتنى لاكتوديل
وعملتلى فحص اثناء التبويض وقالتلى ان حجم البويضه كويسه وديتنى حقنه تفجيريه
وقالتلى ادى نفسك فرصه شهرين ممكن يحصل حمل
وربنا قدر ومحصلش نصيب
ورحت للدكتور بتاعى وادانى فى شهر 1 اللى فات كلوميد وفوستامين وفى الشهر ده كنت تعبانه كان عندى التهاب فى العمود الفقرى واخدت ادويه كتير ومحصلش نصيب
وقررت انى هتوكل على الله وهسيب الموضوع كله كده ومش هتعب اعصابى بالتفكير فى اى حاجه ولما ربنا يريد ان شاء الله كله يتيسر
والدوره بعد علاج هرمون الحليب اتظبطت
بس فى شهر بتيجى مظبوطه وشهر تتأخر مره يومين ومره 6 ايام
انا زى ما قلت لحضرتك انى كبرت دماغى خالص وبصراحه ادويه المنشطات لما بخدها بحس انى متوتره وعصبيه واعصابى بتبقى مضغوطه بس المشكله ان جوزى قلقان وخايف يكون فى حاجه بحاول اقوله ان مفيش حاجه ان شاء الله وانا قررت اعمل ريجيم مره تانيه عشان انزل 15 ك كمان ان شاء الله

بس مش عارفه قلقه فى محله والا ايه؟؟؟
ارجو إنك تفيدنى واسفه لانى طولت عليك هو اللى قالقنى قلقه بس لكن انا لا بقيت بفكر فى ايام تبويض امتى تبدأ امتى تخلص امتى تيجى الدوره ناسيه كل ده لكن لما بتيجى بسجل على الموبايل

اقول لحضرتك على حاجه يمكن الناس اللى حوالينا سبب فى قلقه ساعات يقولوا ليه انتوا مستعجلين على ايه وابنكوا اهو ربنا يخليه وساعات تانيه يقولوا ليه شدوا حيلكوا بقى وهاتولوا اخ او اخت تناقض فظيع
اتمنى تطمنى وشكرا لحضرتك

عيادات العرب الطبية
05-13-2014, 08:32 PM
السلام عليكم ورحمة الله وبركاته
مشكلتك اختي تتمحور في عدة نقاط:
اولا: ضغط نفسي شديد وهو اهم اسباب خلل الدورة الشهرية واختلاف ميعادها ومدتها، فعليكِ التخلص من كل همومك وضغوطك النفسية فورا.
ثانيا: ارتفاع هرمون الحليب وبما انك تعالجتي منه فمشكلته محلولة باذن الله.
ثالثا: زيادة الوزن قد تؤثر على هرمونات الجسم فعليكِ انزال وزنك وهناك موضوع مثبت في عيادة السمنة والريجيم ارجو منك قراءته، وارجو منك قراءة الموضوع المثبت في عيادة التناسلية عن اسباب تاخر الدورة الشهرية وعدم انتظامها.

أريج
05-13-2014, 10:56 PM
وعليكم السلام ورحمه الله وبركاته
اولا اشكرك اخى على اهتمامك وربنا يجعله فى ميزان حسناتك
اولا بالنسبه للضغط النفسى اعتقد ان الحمدلله بعد قراراتى انى مش هفكر فى اى حاجه مبقاش موجود مش عارفه بس معنديش احساس الضغط حاليا يمكن قلق خفيف
اما ثانيا الحمدلله اعراض هرمون الحليب مبقتش زى الاول وعدت على خير
اما بالنسبه لثالثا فهى دى مشكلتى الكبيره حاليا انا قرأت الموضوع اللى حضرتك بتقول عليه وربنا يبارك لحضرتك عليه

بس معلش انا عندى سؤالين الاول هل تخفيف الوزن كافى لاعاده الهرمونات لطبيعتها بدون ادويه؟
انا عندى مشكله تانيه وهى متكرره ومش عارفه ايه سببها التهاب فى البول واحيانا وجود بكتريا او صديد فى البول
والمشكله دى اتكررت معايا كتير ومش عارفهايه اسبابها؟؟؟؟
ارجو مكنش بزعجك اخى وشكرا مره تانيه

عيادات العرب الطبية
05-14-2014, 06:02 PM
لا عادي يا اختي هذا منتدى للاسئلة الطبية فاسلي ما شئتي.
بالنسبة لسؤالك هل تخفيف الوزن كافي لاعادة الهرمونات لطبيعتها بدون ادوية؟
الجواب: هذا يعود لسبب حصول الخلل في الهرمونات فان كل السبب السمنة فبزوال السمنة تعود الامور لطبيعتها مباشرة وفي حالتك انتي تكون السمنة هي السبب الاكثر وضوحا.
اما التهابات البول المتكررة انصحك باخذ حبوب flagyl 500 وكذلك حبوب furamix واخبريني بالنتيجة في نفس هذه الاستشارة.

أريج
05-18-2014, 11:47 PM
شكرا لك أخى على ردك
وبارك الله فى مجهودك
ربنا ييسر الامور ان شاء الله وانزل الوزن واى حاجه ان شاء الله هبلغ بيها حضرتك هنا

عيادات العرب الطبية
05-19-2014, 06:45 PM
اهلا وسهلا بكِ اختي الكريمة

أريج
06-06-2014, 01:41 AM
السلام عليكم ورحمة الله وبركاته
لو سمحت أخى
أنا الشهر ده الدوره الشهرية غزيره عن اى مره حتى مواصقات نزول ايامها اختلفت بمعنى انها كانت اول يوم تأتى متدرجه الشده وتشتد على مدار باقى اليوم الاول والثانى وتبدأ تقل على نهايه اليوم الثالث والرابع وفى اليوم الخامس تكون على بسيط ثم تتحول فى نهايته الى افرازات بنيه ختى اليوم السابع منها ولكن هذا الشهر اتت شديده حتى انى لم استطع تحمل ألم ظهرى وبطنى واخدت حقنه مسكنه فقل الم الظهر قليلا ولكن المغص حتى الان موجود يزيد ويقل بالتفاوت
كما انه حتى اليوم الخامس وما زالت شديده لسه بدأت تقل على اليوم السادس بس يصاحبها مغص يتفاوت فى شدته
كما إنى أعانى من صداع من تنى يوم الدوره وانهارده كنت حاسه بصداع شديد نازل على عينى وفى رأسى من الخلف كما أحسست بدوخه وحسين ان جسمى كله سايب وأحس بتنميل فى اطراف أصابع قدمى اليمنى واليسرى على خفيف وأطراف أصابع يدى اليمنى وخاصه اصبعى الخنصر والبنصر أرجو ان تطمئنى أخى الكريم ولعل هذا خير

عيادات العرب الطبية
06-06-2014, 03:05 PM
اذا كانت هذه اول مرة تحصل معك (غزارة الطمث) فلا داعي للخوف وعليكِ باخذ المسكنات حتى يتوقف الطمث، فان تكرر هذا الامر يجب عليكي مراجعة طبيبة نسائية لاجراء الفحوصات اللازمة وتحديد سبب غزارة الطمث، واما اذا استمر النزيف هذه المرة لوقت اطول من وقت الدورة الشهرية فعليكي مراجعة الطبيبة ايضا لانه في هذه الحالة يصعب معرفة السبب الا بعد اجراء الفحوصات اللازمة لاظهار سبب غزارة الطمث.

أريج
06-07-2014, 12:45 AM
شكرا لردك أخى
أنا أول مره يحصل معايا كده ولن يستمر لوقت أطول
أنا قست الضغط وطلع 144 على 84
طب وبالنسبه للتنميل فى اطراف اصابع القدم والدائم فى اطراف اصابع اليد اليمنى فى اصبعى الخنصر والبنصر ما سببه؟

أريج
06-07-2014, 11:25 AM
أنا قست الضغط مره ثانيه اليوم وطلع 145 على 73

عيادات العرب الطبية
06-07-2014, 07:59 PM
تنميل اصابع القدم بالاغلب سببه لبس الكعب العالي، فاذا لم تكوني تلبسي الكعب العالي اقراي هذه الاستشارة التي اجبنا عليها سابقا في الرابط هذا، اما تنميل اصابع اليد فيعود سببه لاستخدام كيبورد الكمبيوتر لساعات طويلة.

http://www.eyadatarab.com/showthread.php?t=1570&highlight=%D8%AA%D9%86%D9%85%D9%8A%D9%84

أريج
06-07-2014, 08:30 PM
أنا قست الضغط من شويه وكان 99 على 61

أريج
06-07-2014, 08:32 PM
أنا مش بلبس كعب عالى وشكرا لردك ومعلش بتعب حضرتك
طب وبالنسبه للضغط
أنا امبارح لما كان 144 على 84 اخدت كابوتن 25مجم
وانهارده الصبح كان 145 على 73
ومن شويه 99 على 61
ده ايه ده؟

عيادات العرب الطبية
06-07-2014, 08:39 PM
اذا راجعي النقاط الثانية للتنميل المذكورة في الموضوع.
بالنسبة للضغط منذ متى وانتي بتعاني منه؟

أريج
06-07-2014, 09:55 PM
شكرا لحضرتك وراجعتهم بس مش عارفه السبب
الضغط متلغبط معايا من يوم الاربع اللى فات واول مره يكون كده

عيادات العرب الطبية
06-08-2014, 03:52 PM
اذا كان الضغط بهذا الشكل اول مرة يحصل معك فقد يكون للامر عدة احتمالات وهي اما تناول اطعمة تسببت في رفع الضغط او حصول ضغط نفسي وقلق سبب هذا الخلل في الضغط، وفي بعض الاحيان يكون للسمنة دور في ذلك.

أريج
06-08-2014, 03:56 PM
شكرا لردك أخى الكريم
بس انا تعبانه من يوم نزلت فيه فى الشمس وكانت درجه الحراره عاليه
طب أخى الكريم هل اتابع قياسه والا اعمل ايه دلوقتى

عيادات العرب الطبية
06-08-2014, 04:05 PM
نعم بين فترة وثانية تابعي قياس الضغط فان رجع طبيعي كان به وان استمر فيه خلل سواء مرتفع او منخفض فعليكِ مراجعة طبيب لتشخيص الحالة ووصف العلاج، مع التنبيه ان الشمس ايضا قد تسبب خلل في الضغط اذا تعرض الشخص لها لفترة طويلة فلا داعي للخروج من البيت في وقت الظهر وخصوصا اننا في فصل الصيف ودرجة الحرارة مرتفعة.

أريج
06-08-2014, 04:11 PM
إن شاء الله خير شكرا أخى الكريم وربنا ييسر ويرجع طبيعى لوحده بس ما دام متلغبط يبقى مخدش علاج يظبطه مش كده؟

عيادات العرب الطبية
06-08-2014, 04:14 PM
حاليا ما تستخدمي علاجات حتى نشوف تطورات الامور

أريج
06-08-2014, 04:41 PM
حاضر وربنا يبارك فيك ويجعل مجهودك فى ميزان حسناتك يارب
جزاك الله خيرا

عيادات العرب الطبية
06-08-2014, 07:50 PM
أهلا وسهلا بكِ اختي واخبرينا بتطورات الحالة في نفس هذه الاستشارة

أريج
06-13-2014, 10:14 AM
أنا قست الضغط من يومين وكان واطى شويه 100 على 70
بس اعتقد ان السبب كان نفسى مجرد ما تخلصت من اللى مضايقنى الحمدلله حاسه بتحسن وأنى أفضل الحمدلله
بس اطراف صوابع ايدى الخنصر والبنصر ما زال فيهم اثر تنميل للاسف

عيادات العرب الطبية
06-13-2014, 12:31 PM
نزلي وزنك اختي وباذن الله بزول التنميل في الاصابع